Biz 6-16 yaş arası oğlan və qız futbolçuları akademiyamıza qəbul edirik.

Məşqlər şənbə və bazar günləri keçirilir. Şənbə – 08:30 Bazar – 08:00 Məşq müddəti təxminən 1 saat 30 dəqiqədir.

Məşqlər Rekord Arenada keçirilir (Xalqlar dostluğu və Əhmədli metrosuna yaxın, 7 nömrəli poliklinika və Humanitar liseyin arxası).

Məşqlər UEFA lisenziyalı, təcrübəli və ixtisaslı məşqçilər tərəfindən keçirilir.

Bəli. Bizim akademiyada həm fərdi, həm də qrup məşqləri mövcuddur və valideynlər öz seçimlərinə uyğun formada qeydiyyat apara bilərlər.

Bəli, uşaqlar AFFA tərəfindən təşkil olunan Respublika çempionatının U liqası üzrə turnirlərdə və müxtəlif yoldaşlıq oyunlarında iştirak edirlər.

Qeydiyyat zamanı uşağın şəxsiyyət vəsiqəsinin surəti və bir ədəd şəkil kifayətdir. Detallı məlumat üçün bizimlə əlaqə saxlayın.

Forma və digər idman geyimləri valideyn tərəfindən təmin olunur. Lakin istəyə uyğun olaraq klub forması əldə edilə bilər.

Bizimlə 010 323 44 41 nömrəsi vasitəsilə əlaqə saxlaya və ya sosial şəbəkə hesablarımızdan yazaraq ətraflı məlumat ala bilərsiniz.

Hər məşqdən sonra məşqçilər uşaqları fərdi şəkildə məşq intizamı, texniki bacarıq, çalışqanlıq və komanda ilə əlaqə kriteriyaları üzrə qiymətləndirirlər. Bu dəyərləndirmələr sistemdə qeyd olunur və zamanla uşağın inkişafı analiz edilir.

Bəli! Akademiyamızda potensial izləmə modulu var. Hər bir uşağın inkişaf göstəriciləri, məşqdəki performansı və oyunlardakı iştirakları məşqçilər tərəfindən qeyd olunur və davamlı inkişaf qrafiki şəklində izlənilir.

Valideynlər üçün xüsusi giriş bölməsi mövcuddur.Qeydiyyatdan sonra sizə loqin və şifrə təqdim edilir. Buradan övladınızın qiymətləndirmələri, iştirak etdiyi məşqlər və oyun statistikası barədə məlumat əldə edə bilərsiniz. Bu şəffaflıq valideyn-məşqçi əməkdaşlığını gücləndirir.

Enjoy United FC-nin məqsədi yalnız uşaqlara futbol öyrətmək deyil. İntizamlı, sağlam düşüncəli, idman ruhuna sahib bir nəsil yetişdirmək əsas prioritetimizdir. Eyni zamanda seçilmiş futbolçuların peşəkar klublarla əlaqələndirilməsi üçün xüsusi planlarımız var.

Əlbəttə! Bizim akademiyamızda istedadlı uşaqlar üçün xüsusi dəstək proqramı mövcuddur. Seçimə əsasən fərdi inkişaf planı hazırlanır, əlavə məşqlər təşkil olunur və peşəkar səviyyəyə çıxmaları üçün maksimum dəstək göstərilir.

Akademiyamızda yalnız fiziki hazırlıq deyil, eyni zamanda futbol düşüncəsi, liderlik, qərarvermə bacarığı və əxlaqi dəyərlər üzərində də işlənir. Məşqçilərimiz həm idman, həm də pedaqoji baxımdan ixtisaslaşmış şəxslərdir. Məqsədimiz, peşəkar futbolçudan əvvəl məsuliyyətli və intizamlı bir fərd yetişdirməkdir.

Akademiyamızın tədris yanaşması əsasən İngiltərə və Almaniya futbol metodikasına əsaslanır. Bu sistemlər texniki bacarıqların inkişafı, taktiki düşüncənin formalaşması və oyun intellektinin artırılması üzərində qurulmuşdur. Hər yaş qrupu üçün uyğunlaşdırılmış mərhələli yanaşma tətbiq edilir.

İngiltərə modeli uşaqlarda yaradıcı futbol düşüncəsi, driblinq bacarıqları və fərdi təşəbbüs ruhunu inkişaf etdirir. Məşqlərdə oyun yönümlü tapşırıqlar, 1v1 vəziyyətlər və oyun içində qərar vermə ssenariləri ön plandadır. Hədəf – hər bir futbolçunun öz gücünə inanan, texniki cəhətdən sərbəst və çevik oyunçuya çevrilməsidir.

Almaniya tədris yanaşması intizam, sistemli oyun quruculuğu və komanda sinxronluğu üzərində qurulub. Məşqlərdə yüksək təkrarlılıqlı texniki məşqlər, taktiki düzülüşlər və sürətli qərarvermə bacarığı üzərində fokuslanılır. Məqsəd – texniki və taktiki cəhətdən güclü, analitik düşüncəli futbolçular yetişdirməkdir.

Enjoy United FC-də məşq proqramları hibrid metodikaya əsaslanır. Əsas texniki-taktiki bacarıqlar Almaniya dəqiqliyi ilə öyrədilir, lakin futbolçuların sərbəstliyini və yaradıcı düşüncəsini inkişaf etdirmək üçün İngiltərə modeli inteqrasiya edilir. Beləliklə, hər bir futbolçu balanslı və müasir oyunçuluq anlayışı ilə formalaşır.

Hər yaş qrupu üçün xüsusi mərhələ əsaslı qiymətləndirmə sistemi tətbiq olunur. Bu sistem texniki, taktiki, psixoloji və fiziki sahələrdə irəliləyişləri mütəmadi olaraq izləyir və valideynlərə təqdim edir. Əldə olunan nəticələrə əsasən məşq proqramlarında fərdi korrektələr aparılır.